Այսօր տեղի է ունեցել ԵՊՀ գիտխորհրդի նիստ՝ ֆիզիկայի ինստիտուտի տնօրենի, մաթեմատիկայի և մեխանիկայի ու ժուռնալիստիկայի ֆակուլտետների դեկանների ընտրությունների օրակարգով։
Ընտրությունների արդյունքում ֆիզիկայի ինստիտուտի տնօրեն է ընտրվել ֆ.մ.գ․դ., պրոֆեսոր Խաչատուր Ներկարարյանը, իսկ նշված ֆակուլտետները շարունակելու են ղեկավարել գործող դեկանները՝ ՀՀ ԳԱԱ թղթակից անդամ, ֆ.մ.գ.դ., պրոֆեսոր Արթուր Սահակյանը և բ․գ․թ., դոցենտ Նաղաշ Մարտիրոսյանը։
![](https://www.ysu.am/uploaded/_817.jpg)
Թեկնածուները գիտական խորհրդին ներկայացրին ստորաբաժանումների զարգացման վերաբերյալ իրենց ծրագրերը, ապա պատասխանեցին հարցերին՝ մանրամասնելով ծրագրային դրույթներն ու պլանավորած գործողությունները, ինչից հետո կազմվեց հաշվիչ հանձնաժողով, և հայտարարվեց փակ գաղտնի քվեարկություն։
![](https://www.ysu.am/uploaded/%20%D5%A4%D5%A5%D5%AF%D5%A1%D5%B6_5.jpg)
Արդյունքում ԵՊՀ գիտխորհրդի ձայների մեծամասնությամբ թեկնածուներն ընտրվեցին առաջադրված պաշտոններում։
![](https://www.ysu.am/uploaded/_818.jpg)
Հիշեցնենք, որ Խաչատուր Ներկարարյանը նախկինում ղեկավարում էր ռադիոֆիզիկայի ֆակուլտետը, որը, միավորվելով ֆիզիկայի ֆակուլտետին, վերակազմավորվել է ֆիզիկայի ինստիտուտի։ Արթուր Սահակյանը և Նաղաշ Մարտիրոսյանն էլ համապատասխանաբար մաթեմատիկայի և մեխանիկայի ու ժուռնալիստիկայի ֆակուլտետների գործող դեկաններն են։