ԵՊՀ ժուռնալիստիկայի ֆակուլտետի երրորդ կուրսի մի խումբ ուսանողները «Ժուռնալիստի վարպետություն» առարկայի շրջանակում հերթական անգամ այցելեցին Ազգային ժողով:
Այս անգամ այցելության նպատակը ԱԺ պագամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանի հետ հանդիպումն էր:
ԱԺ պագամավորը ուսանողներին ներկայացրեց լրագրողական ոլորտում իր անցած ճանապարհի մասնրամասները, խորհուրդներ հղեց իրավական ոլորտ լուսաբանելու համար և մատնանշեց այն թերությունները, որոնք հաճախ հանդիպում են ոչ պրոֆեսիոնալ լրագրողների և որոշ ԶԼՄ-ների աշխատանքում:
«Իրավական ոլորտ լուսաբանելը իր կարևորությամբ և դժվարությամբ էապես տարբերվում է այլ ոլորտներ լուսաբանելիս: Այստեղ լրագրողը գործ ունի մարդկային ճակատագրերի, նուրբ զգացմունքների և մարդկային ապրումների հետ: Հմուտ լրագրողը, ով ստանձնում է այս պատասխանատվությունը, պետք է զսպի իր էմոցիաները և կողքից նայի, ներկայացնի իրողությունը ընթերցողին հնարավորինս օբյեկտիվորեն»,- կարևորեց Նաիրա Զոհրաբյանը:
Մասնագիտությամբ թատերագետ Նաիրա Զոհրաբյանը մինչ քաղաքական գործունեություն ծավալելը երկար տարիներ աշխատել է որպես լրագրող «ԱՐ» հեուստաընկերությունում, «Հայք» և այլ պարբերականներում: Շուրջ 11 տարի որպես լրագրող աշխատել է «Հայկական ժամանակ» օրաթերթում:
Մասնագիտական գործունեությանը, կին քաղաքական գործչի առջև ծառացած մարտահրավերներին, խոչընդոտներին անդրադառնալուց հետո՝ ուղանողները Նաիրա Զոհրաբյանին հղեցին հարցեր, որոնք առնչվում էին իրավական ոլորտի արդիական խնդիրներին: Համաներումից մինչև քրեակատարողական հիմնարկների խնդիրներ, ցմահ ազատազրկվածներ, արդարադատություն և խոսքի ազատություն. թեմաների այս լայն շրջանակով քննարկումն ամփոփվեց հետագայում կրկին հանդիպելու ակնկալիքով:
Միլենա Մկրտչյան
3-րդ կուրս
