ԵՐԲԵ´Ք ՉՆԱՀԱՆՋԵԼ

ԵՐԲԵ´Ք ՉՆԱՀԱՆՋԵԼ

512

Իրենց գործին նվիրված, հասարակության շրջանում մեծ հարգանք վայելող բժիշների մասին շատ է գրվել, և առավել  քան համոզված եմ, որ հիվանդ վիճակում հայտնված մարդկանց կյանք ու առողջություն պարգևող բժիշկների մասին դեռ էլի ու էլի կգրվի, քանի դեռ ապրում է մարդը, քանի գոյություն  ունի մարդկությունը։

Սրտաբանության բաժանմունքի հիվանդասենյակներում հաճախ կհանդիպես սպիտակ հանդերձով, չափազանց երիտասարդ մի աղջկա, և գուցե անգամ չպատկերացնեք, որ նա արդեն ճանաչված սրտաբան է։ 27-ամյա Լիլիթ Կորյունվնան այևս իրեն չի պատկերացնում առանց բժշկության և նշում է.

-Բժշկի կոչումն առաջին հերթին հիվանդի կողքին լինելն է, բժշկի համար վստահության արժանանալը ոչ միայն կարևորագույն ձեռքբերում է, այլև՝ կոչում։

Ահա հենց այս հավատամքով է իր յուաքանչյուր օրն անցկացնում Լիլիթը, և աշխատում է մասնագիտության հանդեպ տածած սերը ներարկել նաև իր գործընկերներին։

Բժշկուհու համար ամենահզոր շարժիչ ուժը հիվանդի և նրա հարազատների գնահատականներն են, որոնք նոր լիցքեր են հաղորդում նրան։

-Նա շատ սրտացավ բժիշկ է,-շեշտում են հիվանդները և հավելում,- քիչ է պատահում, երբ լավ մասնագետը նաև հոյակապ մարդ է, և չափազանց հոգատար անձնավորություն։

Լիլիթ Կորյունվնան կրթություն է ստացել Ռուսաստանի Դաշնության Մոսկվա քաղաքում։ Բնակվելով հայրենիքից հեռու՝ օտար և բազմազգ երկրում, ամենևին խտրականություն չի դնում ազգությունների միջև, և, Հիպոկրատի երդմանը հավատարիմ, զբաղված է շատ կարևոր առաքելությամբ՝ մարդկանց կյանք ու առողջություն պարգևելով։ Նա վստահեցնում է, որ հայ բժիշկները զբաղված են շատ կարևոր առաքելությամբ՝ հիվանդության արագ և ճշգրիտ ախտորոշումով, մարդկանց կյանք պարգևելով, առողջության վերականգմամբ։

Իր ընտանիքը թև հասկանում է, որ բժշկի մասնագիտությունը պահանջում է անձնուրաց աշխատանք, բայց և շատ հաճախ դժգոհում են, որ Լիլիթը շատ քիչ ժամանակ է անցկացնում իրենց հետ.

-Մենք արդեն համակերպվել ենք, այն փաստի հետ, որ Լիլիթը քիչ է լինելու տանը, և որ նրա պարտականությունը հիվանդների կողքին լինելն է,- ասում է մայրը։ Ծնողների հորդորով մասնագիտությունն ընտրած Լիլիթը երբեք չի զղջացել իր ընտրության համար և ժամանակի հետ էլ ավելի է սիրել իր մասնագիտությունը։

Թեև օրվա մեջ շատ քիչ ազատ ժամանակ է ունենում, բայց նա հասցնում է նաև ընթերցել, քանի որ գրքեր կարդալ դեռ մանկուց է սիրել, և հավելում է.

-Բժիշկն անընդհատ սովորում է։ Բժշկուհին թե՛ առօրյա կյանքում, թե՛ աշխատանքում  իր համար որդեգրել է մի կարգախոս՝ «երբե´ք չնահանջել», որով էլ առաջնորդվում է։ Լիլիթի գործընկերները  կարևորում են այս գիծը նրա մեջ։

Սառա Ցականյան

2-րդ կուրս

Կիսվել