Ռուսաստանում առողջ ապրելակերպի քարոզը հասել է մինչեւ Մոսկվայի մետրոպոլիտեն: Վիստավոչնայա կայարանում տեղադրել են հատուկ սարք, որի շնորհիվ ուղեւորները կարող են 30 անգամ կքանիստ անել եւ ստանալ անվճար երթեւեկելու հնարավորություն: Այս սարքը կօգնի բարելավել կազմվածքը եւ խնայել 30 ռուբլի:
Օգտվողները հիմնականում կանայք են: Առաջինը սարքը փորձարկել է կրկնակի անգամ օլիմպիական չեմպիոն դարձած Ելենա Զամոլոդչիկովան։ Մարզիկը հեշտությամբ կատարելով 30 կքանիստ՝ ստացել է առաջին անվճար տոմսը։
«Ես շատ ուրախ եմ. այն շատ հետաքրքիր սարք է»,-իր տպավորություններով կիսվել է Ելենա Զամոլոդչիկովան։
Սարքը տեղադրված է հենց Վիստավոչնայա մետրոյի կայարանի նախասրահում։ Այն աշխատում է առավոտյան 9-ից մինչեւ երեկոյան 20.00-ը։ Ամբողջ ընթացքում աշխատակիցները հսկում են սարքը․ հերթապահություն են սահմանել նաեւ բուժաշխատողները:
Անժելա Ոսկանյան
4-րդ կուրս
